Forrit

  • SigilSigil

    Sigil er forrit til að búa til og breyta rafbókum á Epub sniði. Forritið er sérlega öflugt og getur leyst flest verkefni sem tengjast rafbókagerð.

  • CalibreCalibre

    Calibre er besta forritið til þess að sjá um rafbókasöfn einstaklinga. Forritið gerir notendum auðvelt að skrá upplýsingar um bækurnar eða sækja þær í ýmis gagnasöfn. Calibre getur breytt rafbókum úr einu formi í annað, t.d. úr ePub (opna forminu) í Mobi (sem hentar Kindle).

  • GimpGimp

    Gimp hefur verið staðlaða myndvinnsluforritið í frjálsa/opna hugbúnaðarheiminum mjög lengi. Ef þú vilt laga til myndir, fjarlægja bakgrunna, setja saman myndir og flest sem þér dettur í hug þá getur Gimp gert það.

  • OBS – Open Broadcaster SoftwareOBS – Open Broadcaster Software

    Ef þig langar til að verða Youtube-stjarna þá er OBS tólið fyrir þig. Það er hægt að blanda saman skjölum, skjáupptöku, vefmyndavélum, öðrum myndavélum, mismunandi hljóðrásum og nota flýtihnappa til að skipta á milli. Það er líka ákaflega auðvelt að læra á það.

  • DigikamDigikam

    Í dag eiga nær allir tugþúsundir stafrænna mynda en enga leið til að halda utan um safnið sitt. Digikam er forritið sem þig vantar. Myndasafnið þitt verður dýrmætara með að skrá upplýsingar um það.

  • VivaldiVivaldi
    Arftaki Opera að mörgu leyti þó sá fyrrnefndi sé enn í fullu fjöri.
  • OperaOpera
    Gamall vafri og góður. Ennþá skemmtilegur.
  • BraveBrave
    Ef þú hefur áhyggjur af persónulegum upplýsingum þá er Brave kannski fyrir þig. Vafrinn getur keyrt upp Tor í sérglugga þegar þú vilt algjört næði.
  • Pale MoonPale Moon
    Frjálsari „útgáfa“ af Firefox. Færri viðbætur samt þó oft sé hægt að fara krókaleiðir til að setja þær inn.
  • FirefoxFirefox
    Já, það er hægt að fá Chrome í Linux en maður sleppur ekki undan Microsoft til þess að fara beint í klærnar á Google. Firefox er með ótal viðbótum, t.d. stuðning við stafssetningarvilluleitarviðbót á íslensku.
  • WineHQWineHQ
    Ef þig langar að keyra Windows forrit í Linux þá er alltaf hægt að prufa WineHQ. Það virkar oft en ekki alltaf. En það er haldið ágætt bókhald yfir hvað virkar og hvað ekki.
  • VirtualBoxVirtualBox
    Settu upp sýndarvélar til að prufa eða keyra stýrikerfi eða forrit sem virka bara í þeim stýrikerfum.
  • ScribusScribus
    Ég hef notað Scribus þegar ég er að búa til prentskjöl fyrir spilin mín. Það er smá kúrva (ekki pólskusletta) að læra á það en það getur ótrúlega margt. Það er hægt að vinna bækur, veggspjöld og flest önnur prentskjöl í Scribus.
  • ThunderbirdThunderbird
    Ef þú vilt nota tölvupóstforrit þá er Thunderbird best, getur flest en er alræmt fyrir að vera ljótt.
  • PlayOnLinuxPlayOnLinux
    PlayOnLinux er notað til að setja upp Windows leiki, og margt fleira, á Linux. Það byggir á Wine, líkt og Proton, og hefur misst stöðu sína nokkuð undanfarið.
  • Steam/ProtonSteam/Proton
    Steam hefur sífellt verið að auka stuðninginn við Linux. Með Proton, sem er sérsniðin leikjaútgáfa af Wine, þá eru margir tölvuleikjaspilarar farnir að skipta yfir.
  • HandbrakeHandbrake
    Ef þú þarft að breyta myndbandi úr einni tegund í aðra eða „rippa“ DVD safnið þitt þá notarðu Handbrake.
  • VLCVLC
    Ef þú vilt spila myndbönd þá notar þú VLC. Ekkert flóknara en það. VLC spilar auðvitað líka tónlist.
  • MusescoreMusescore
    Þarftu að skrifa upp nótur eða búa til midi-skrár? Þá er Musescore fínt tól. Ég kann ekki nótnalestur en með því að skrá nóturnar í Musescore (og með smá kennslu frá tónlistarfólki) þá gat ég látið forritið spila fyrir mig þjóðlög úr bók Bjarna Þorsteinssonar.
  • DarktableDarktable
    Darktable er ljósmyndavinnsla fyrir lengra komna.
  • KarbonKarbon
    Ef þú ert, eins og ég, með óstöðugar hendur eða óvanur teiknari þá er Karbon skemmtilegt tól til að vinna með það litla sem þú hefur og búa til línuteikningar. Forritið er líka með allskonar fídusa fyrir ákveðnar sérþarfir. Síðan er hægt að vinna myndirnar meira í Inkscape eða öðrum forritum.
  • InkscapeInkscape
    Ef þú vilt breyta myndum í vektormyndir (svg) eða vinna með slíkar myndir þá þarftu Inkscape. Ef þú veist ekki hvað ég er að tala um þá er alveg rosalega gaman að fikta í Inkscape.
  • MyPaintMyPaint
    Þetta er til að mála og teikna, einfalt að læra á það en um leið miklu færri fídusar en í Krita. Flott fyrir krakka.
  • KritaKrita
    Krita er til að kríta, næstum því. Ef þú átt t.d. teiknispjald og ætlar að teikna eða mála þá er Krita fyrir þig. Það eru samt hægt að gera fleira í Krita og margir eru frekar farnir að nota það meira en Gimp. En saman eru þessi forrit mjög öflugur pakki.
  • KdenliveKdenlive
    Kdenlive er klippiforritið sem ég nota þegar ég er að vinna myndbönd. Það tekur kannski tíma að breyta vinnuferli sínu og læra á forritið en það getur ótal margt.
  • AudacityAudacity
    Audacity er hljóðvinnsluforritið. Útlitslega er það ekki fallegast en það getur gert flest sem manni dettur í hug.
  • WPS OfficeWPS Office
    Ég nota ekki WPS Office en það er mjög vinsælt hjá þeim sem vilja halda sig við svipað umhverfi og Microsoft er með í dag. Það er líka lögð sérstök áhersla á að geta unnið með skjöl frá MS Office.
  • LibreOfficeLibreOffice
    Ég nota LibreOffice frekar af því að mér líkaði aldrei sérstaklega vel við þær útlitsbreytingar sem urðu á MS Office fyrir rúmum áratug síðan. LibreOffice virkar örugglega gamaldags ef fólk er of vant nýja MS Office en það getur unnið flest verkefni jafn vel. LibreOffice getur líka unnið með nær öll skjöl frá Microsoft.